Móttaka sjötta Grænfána Landverndar og staðfesting þess efnis að Akrasel er viðurkenndur UNESCO leikskóli sá fyrsti á Íslandi. Á sumarhátíð Akrasels þann 25. maí næstkomandi, þar sem við bjóðum börnum og foreldrum í opið hús frá kl. 14.00-16.00 mun afhending fara fram. Hr. Guðni Th. Jóhannesson forseti Íslands og Sævar Freyr Þráinsson bæjarstjóri munu koma í Akrasel og taka þátt í athöfninni með okkur.

Útskriftaferð Bergs var farin þriðjudaginn 17. maí. Þau eyddu deginum í æðislegu veðri í skálanum í Skorradal.

Við á Akrasel erum byrjuð á ýmsum vorverkum og finnst börnunum skemmtilegt að fá að hjálpa við hin ýmsu verk. Anney leikskólastjóri byrjaði að stinga upp blómabeðið fyrir utan Tjörn og í leiðinni var grindverkið við blómabeðið tekið niður. En það á að laga. Börnin voru ekki lengi að koma og hjálpa henni. Hérna eru nokkrar myndir frá því þegar Lindir hjálpuðu til við vinnuna um morguninn. Eftir hádegið þá hjálpuðu börnin á Hömrum Anney og kennurunum.

Eftir að við á Akraseli fengum skýrsluna frá Menntamálastofnun um Ytra mat á Leikskólanum þó fór starfsfólk og stjórnendur í að vinna að umbótaráætlun. Hluti af starfsmannadegi og starfsmannafundur var notaður í þessa vinnu. Þannig höfðu allir starfsmenn möguleika á að koma með lausnir, hugmyndir og athugasemdir.

Miðvikudaginn 27.apríl var árgangahittingur leikskólanna á Akranesi. Hérna eru nokkrar myndir frá árgangahittingnum í Akraseli

Vikuna 14.03 til 18.03 var jógavika á Akrasel. Þessa vikuna fóru tvær deildir saman í jóga og nutu samveru með hvor annarri. Ein deild af Hömrum var með einni deild af Lindum. Þessi vika gekk mjög vel og skemmtu börnin sem og kennaranir sér vel. Þessar deildir voru saman í jógavikunni:Lækur og Berg, Tjörn og Gljúfur, Mýri og Klettur.

Haldið var upp á dag leikskólans sem er á sunnudaginn 6 febrúar.